Со положување на свежо цвеќе Општина Радовиш го одбележа 8 Септември, Денот на независноста на Република Македонија
Денеска во Радовиш на свечен начин со положување свежо цвеќе беше одбележан Денот на независноста на Република Македонија, 8 Септември.
По повод 31 година од прогласувањето на независноста и самостојноста на државата, во присуство на повеќе поканети гости од општествено, политичкиот и стопански живот во Радовиш како и вработени во општинската администрација, свежо свеќе беше положено на спомен обележјето пред зградата на ЕЛС Општина Радовиш.
Свежо цвеќе положија делагација предовдена од секретарот на Општина Радовиш Љупче Почивалец, придружуван од двајцата пратеници Коле Чаракчиев и Здравко Трајанов. Потоа цвеќе полижи и делегација од Полициската саница во Радовиш.
До сите граѓани беше упатена честитка за Денот на незвисноста од име на Градоначалникот на Општина Радовиш Ацо Ристов.
На 8 септември 1991 година со убедливо мнозинство од 95% од граѓаните што излегоа на референдумот, позитивно одговорија на референдумско прашање: „Дали сте за самостојна Македонија со право да стапи во иден сојуз на суверени држави на Југославија“?
Денот на независноста на Македонија е државен празник кој се празнува на 8 септември. Празникот популарно е наречен и 8-ми Септември и ја означува сувереноста, независноста и самостојноста на Македонија и македонскиот народ.