Водата е во основата на
одржливиот развој и е клучот за социо-економскиот развој, здравите екосистеми и
за самиот опстанок на човекот. Тоа е од витално значење за намалување на
глобалното оптоварување со болести и подобрување на здравјето, благосостојбата
и продуктивноста на населението.
Како и секоја година и годинава од ЈП Плаваја Радовиш, потсетуваат на животното значење на водата и колку треба да се грижиме за нејзината правилна и наменска употреба, да помислуваме кога ја пролеваме без потреба дека некои наши соседи на повисоките места заради тоа може да немаат вода. Да не ја употребуваме водата за наводнување и полевање затоа што таа е произведена за пиење, апелираат од Плаваја.
„Секоја капка вода која капнува од Вашата чешма во водоснабдителниот систем на ЈП„Плаваја“ поминува низ повеќе фази: нејзино зафаќање, филтрирање, дезинфекција, трошиме скапа електрична енергија да ја пумпаме со пумпи и низ километарски цевководи за да ја донесеме до Вашите домови, затоа почитувани секоја капка вода е скапоцена, можеби денес не, но за идните генерации да. Затоа да ја чуваме водата и животната средина! За идните генерации“, велат од ЈП Плаваја по повод Светскиот ден на водата.
Од 1993-та година со одлука на ООН 22 Март, се одбележува како Светски ден на водата кој годинава е посветен на подземните води, и нивната важност.
Основен фокус на
Светскиот ден на водата е да се поддржи постигнувањето на Целта за одржлив
развој: вода и санитација за сите до 2030-та година.
Покрај тоа, особен фокус за значењето на питката (слатката) вода, е преземање на активности за справување со глобалната криза за вода и подигнување на свеста за 2,2 милијарди луѓе кои живеат без пристап до безбедна вода.