Радовиш

Да покренеме БРАН НА СРЕЌАТА – започни од себе си, Божиќна трпеза во ОНБ Браќа Миладиновцки во Радовиш

На 4 јануари е отворен ден каде секој кој би сакал да ја поддржи активноста, може да донира прехранбени продукти (по свој сопствен избор), во просториите на градската библиотека Браќа Миладиновци .

На прагот на претстојните Божиќни празници, оние кои даваат огромна надеж, кои во основа и суштина на Празникот значи, сите членови на семејството да седнат на една заедничка трпеза, која покрај подготвената храна, би требало да е полна со семејна топлина, хармонија, љубов, надеж, вера и безброј желби,  Art of Living Фондацијата во чии рамки делува International Association for Human Values (IAHV) во соработка со Општина Радовиш, како носители на иницијативата, поддржана од  библиотеката  “Браќа Милодиновци“ – Радовиш,  деловната заедница,  невладиниот сектор и секој поединец кој би сакал активно да се вклучи со свој придонес, ја организираат “Божиќната трпеза“.

Како што вели Теодора Костовска Art of Living Учител, денес отуѓеноста како да го достигнува својот врв! “Ако се отуѓам од себе си, кого и како да сакам“?

„Ако во текот на својот живот, особено детството единката не била окружена со љубов, ако немала кој да ја научи да сака, ако не може да сака, ако нема што да сака, љубовта се врти кон човекот како автодеструкција.

Тоа е закон!

Таквото чувство создава празнина која многу тешко се компензира, а создава огромни проблеми во текот на животот. Во неможност да се справи со ваквите емоции човекот најчесто ги потиснува.  Потиснувањето пак создава огромно количество страв, ни малку природен,  дури патолошки.

Ако едно дете во своето детство не доживее љубов, ако не ја спознае Љубовта, ако чувството на Љубов не му стане блиско а преку тоа и разбирањето и прифаќањето на другиот, поинаквиот, на таквото дете во  периодот на адолесценција, во периодите на растење, созревање, матурирање во личност,  ќе му биде особено тешко  да ја доживува Љубовта, да ја развива емоционалната интелигенција, каде не би се чувствувало осамено, напуштено, изолирано, тешко и болно.

Да се постои, значи свесност за сопственото живеење со сите структури и содржини на животот.

Што е тоа што животот го поврзува со постоењето? За жал денес сме сведоци, на како Адлер вели: “Празните семејства како придонес на сегашноста за иднината, каде секој се однесува како сака и прави што сака“.

Кога индивидуата ќе се најде во ваква состојба таа е дисфункционална, напната, негативна, интолерантна, латентно уморна, без животна, болна. Таквата енергија се шири наоколу во просторот креирајќи нездрав и ни малку позитивен абиент за креативно делување и позитивно решавање на животните проблеми и задачи.

Токму заради овие и многу други слични состојби во општеството, ја покренуваме иницијативата на “Божиќната трпеза“, преку која ќе ја креираме нашата колективна, општествена, повисока свесност и одоворност за оние семејства, наши сограѓани, кои од било која објективна причина не се во можност самостојно да ги набават неопходните прехранбени производи,  за достоинствено прославување на Бадниковата вечера и дочекување на Божиќ.

Имено, 4 јануари е отворен ден каде секој кој би сакал да ја поддржи активноста, може да донира прехранбени продукти (по свој сопствен избор), во просториите на градската библиотека Браќа Миладиновци .

Волонтерите,  поддржувачи на активноста ќе направат еднаков распоред на производите, ќе ги спакуваат во соодветни  пакети, кои на 5 јануари по претходно утврдена листа со релевантни институции, на најдостоинствен, спонтан и хуман начин ќе биде дистрибуирана до семејствата на кои би им била потребна и добредојдена.

Да покренеме БРАН НА СРЕЌАТА – започни од себе си!!!

Интересно е што наспроти општите уверувања дека парите се најважен  фактор за да бидеш среќен, многу сериозни светски социолошки истражувања покажуваат дека,  токму грижата кон блиските, негувањето на трајните човекови вредности, како на пример:

грижата, дарежливоста, емпатијата,  чувството на благодарност,  многу повеќе не прават да се чувствуваме среќни, од колку некои минливи работи“, вели Теодора Костовска Art of Living Учител  International Association for Human Values (IAHV), која повикува активно вклучување на сите во реализација на претстоечката активност,  да продолжи традицијата која трае веќе повеќе години.

Организиацијата на “Божиќната трпеза“ ќе биде поддржана и од здружението „Невена“ од Радовиш.

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

4 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

6 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago