Започна вакцинацијата против сезонски грип, за неризичните групи по цена од 800 денари
Околу 70 граѓани од општините Радовиш и Конче денеска беа вакцинирани против сезонски грип во Хигиенско-епидемиолошката служба (ХЕС) во Здравстениот Дом во Радовиш.
Некои од граѓаните велат дека се вакцинирале со три дози против Ковид -19, а денеска се вакцинираат и против сезонски грип со цел да се заштитат.
Бесплатната вакцинација против сезонски грип е наменета за стари лица (над 65 години), лица со хронични заболувања, здравствени работници, бремени жени и деца на возраст од 6 месеци до 5 години.
Граѓаните кои сакаат да се вакцинират со пополнување на формата на vakcinacija.mk се регистрираат за вакцинација директно во системот Мој Термин. Согласно распоредот предвиден во планот за вакцинација, по пат на смс тие се нформирани за точниот датум и час кога треба да се вакцинираат на пунктот кој го изберале при регистрацијата.
Освен со бесплатна вакцина имаше и такви кои не влегуваат во споменатите ризични групи, па тие се вакцинираат со плаќање по цена од 800 денари за вакцина, со цел да се заштитат.
Инаку вакцинацијата во ХЕС службата во Радовиш ќе се спроведува секој работен ден од 8:30 до 14 часот.
Како што претходно најавија од Министерството за здравство без разлика дали е прва, втора или трета доза на вакцина против ковид-19, може да се прими во исто време и вакцина против сезонски грип.