Во текот на вчерашниот ден
аплицирани се вкупно 3.845 дози вакцини, од кои 958 се аплицирани како прва
доза, 2.813 се ревакцинирани, а 74 граѓани примиле трета доза вакцина
информираат од Министерството за здравство.
Заклучно
со 5 октомври вкупно се вакцинирани 792.174 граѓани, ревакцинирани се 740.822,
а трета доза примиле 499 граѓани. 53% од граѓаните над 40 годишна возраст се
ревакцинирани, а 33% од популацијата од 18 до 39 години примиле барем една доза
вакцина.
Не се планираат нови антиковид-мерки зашто е намален бројот на хоспитализирани, болниците не се оптоварени и се празнат“ вели Министерот за здравство Венко Филипче.
Според Филипче, состојбата со
заразата со КОВИД-19 сега е стабилна зашто континуирано повеќе денови има
речиси идентичен број нови случаи – меѓу 450 и 500.
Филипче вчера изјави дека
некои клиники, како Клиниката за уво, грло и нос и болницата во Козле, веќе се
враќаат во нормална работа и нема да сместуваат КОВИД-пациенти.
Со новата статистика, досега се починати 6719, а активни случаи има 11 787 во целата држава.
Целосно вакцинирани се
734 000 граѓани. Филипче на одржаната прес-конференција
информираше дека вакцини има доволно – на располагање се околу 260 илјади
дози „Фајзер“, 45 000 дози „Синовак“, 100 илјади дози „Астра Зенека“.
Трета доза
„Фајзер“ им се препорачува на сите граѓани, без оглед на возраста и дали се
хронично болни.