Голем интерес за вакцина во Радовиш. Како што дознаваме од директорката на Здравствениот дом во Радовиш, д-р Лимонка Илиевска, дневно се вакцинираат по околу 200 до 250 лица. Имунизација се врши во Здравствениот дом и на терен, со вакцините Фајзер, Синовак и Астра Зенека. Инаку, бројот на нови случаи во Радовиш забрзано расте. Само во последните пет дена регистрирани се 32 нови случаи на Ковид-19. Повторно е ставена во функција и ковид -амбулантата за потребите на болните.
Инаку вчера вкупно биле вакцинирале 16.955 граѓани, од кои прва
доза вакцина примиле 11.925 граѓани.
За да се потикне процесот на вакцинација и да се намали ширењето на корона вирусот, Владата воведе и драстични мерки кои ги погодија посебно угостителите. За влез во угостителски објект, во казино, обложувалници и молови, задолжително е потврда или сертификат за примена вакцина, негативен тест или потврда за прележан Ковид, не постара од 45 дена од денот на оздравувањето.
Од 1 септември за влез и за излез во државата исто така
ќе биде потребно приложување на еден од наведените документите.
Граѓаните коментираат дека мерките се закаснети, посебно оние за влез и за излез од државата. Бидејќи како што велат странците веќе си заминуваат, додека во текот на целиот летен период тие слободно влегуваа во државата, организираа прослави и свадбени свечености, а сега последиците ги сносуваат граѓаните кои остануваат во земјата.