На одржаната прес
конференција претседателот на ОК на ВМРО-ДПМНЕ во Струмица, Жан Дрвошанов рече дека струмичкото СДСМ на
следните избори ќе излезе со програма од претходни избори.
Градоначалникот
Јаневски и неговиот ментор Заев не го остварија она што го ветуваа.
Ги
нема инфраструктурните проекти, ги нема еколошките проекти, ветувањето за
младите, за Турското маало, за пензионерите..
Во
Струмица после 20 години власт на иста партија и структура зборот власт е
синоним за тендери, евро, партиски вработувања, разни субвенции, трговија со
националните интереси…
„Замислете,
канцеларија на Зоран Заев во Струмица за,
после 20 години власт и моќ, да ги праша струмичани за проблемите.
После 16 години локална и втор мандат државна власт на СДСМ во Струмица очигледно е дека на
претстојните локални избори СДСМ ќе излезе со програмата од претходни избори.
Актуелниот градоначалник Јаневски не сработи ни мал дел од
ветената програма, а неговиот ментор, премиерот не му помогна.
Не се реализира клучниот проект нов транзитен пат околу Струмица. Не ги направија тие ветени 6
километри пат.
Не го подобрија булеварот „Климент Охридски“. Го нема ниту
булеварот од „Свети Илијскиот порој“ покрај касарната и Софилар, а не се реши
ниту горливиот проблем на граѓаните од населбата Софилар“,
рече меѓу другото Дрвошанов.