Креативна работилница на манастирот Свети Ѓеорги во Ораовица „Младите креатори на нашата иднина“ организирана од здружението на децата бегалци
Здружение на децата бегалци и нивните потомци од Егејскиот дел на Македонија реализира проект „Младите креатори на нашата иднина“ во чии рамки вчера се одржа креативна работилница на манастирот Свети Ѓеорги во Ораовица
Во истата беа вклучлени ученици од основните училишта во Општина Радовиш од 5-то до 9-то одделение. Една од темите кои се обработуваат во овој проект е и Егејска Македонија и Татковината копнеж на прогонетите, вели Милена Николовска Генерален секретар на републичкото здружение на децата бегалци и нивните потомци од Егејскиот дел на Македонија „Тга за југ“.
Во рамките на проектот учениците ќе имаат организирано и седумдневно кампување во Охрид, каде ќе имаат можност да се дружат со останатите учесници од други општини.
Проектот е под покровителство и поддршка од Општина Радовиш и градоначалникот Герасим Конзулов заедно со Советот. За дополнителен стимул градоначалникот Конзулов на најдобрите ќе им подари теблет.
Проектот се реализира во соработка со здружението на децата бегалци и нивните потомци од Радовиш кое од пред една година има нов претседател Љупче Бехлимов.
Еден од менторите на овој проект е и нашиот естраден уметник Јордан Митев кој како што рече со задовоство ја прифатил поканата и да биде ментор на учениците кои се дел од музичката група.