Според здравствените власти вакцинацијата се одвива непречено на сите пунктови низ државата, а според одредении граѓани на пунгтот за вакцинација во Штип вчера немало доволно вакцини. Вчера вкупно се вакцинирале 11.646 граѓани. Прва доза вакцина примиле 9.561граѓани.
Вкупно досега се аплицирани 244.518 дози вакцини, а ревакцинирани се 38.505 граѓани. Бројот на лица кои изразиле желба за вакцинација преку веб платформата vakcinacija.mk е 390.330 граѓани.
Со последните бројки 44,7 % од населението над 70 години имаат примено барем една доза вакцина и 37 % од населението над 65 години имаат примено барем една доза вакцина.
Во последните 24 часа се направени 2.533 тестирања, а регистрирани се 50 нови случаи на КОВИД-19. Во Југоистокот нема регистрирано нови случаи но има оздравени пациенти во Струмица 6, во Радовиш 5 и во Богданци 1.
Пријавени се вкупно 16
починати лица од кои едно лице од Струмица.
Вкупната бројка на починати лица во земјата од
почетокот на епидемијата е 5.265, а бројот на активни случаи во моментот изнесува
3.040. Во Радовиш бројот на актвини случаи е 62,
во Струмица 85, во Гевгелија 29, во Валандово 6, Богданци 5 и во Дојран без ниту еден активне случај.
Полицискиот час е продолжен до 01 јуни, по што се очекува
да попуштат мерките и да биде дозволено организирање на свадби и прослави на отворено
со почитување на протоколите.