Од први мај електронски упис на првачињата. Преку порталот uslugi.gov.mk родителите/старателите ќе можат да пополнат апликација, да изберат училиште и да ги прикачат потребните скенирани документи. Откако апликацијата ќе биде прифатена, се одредува термин во кој ученикот ќе треба да дојде на разговор со педагогот во училиштето. Новата дигитална услуга ја промовираше министерката за образование и наука Мила Царовска.
Според неа уписот ќе го направат со прикачување на сите потребни документи и откако тој
административен процес ќе се заврши имаат само една посета во училиштето на
средба со педагогот и проценка и понатамошно започнување на процесот на
образование на еден ученик.
Услугата за
електронски упис на првачиња како што рече Царовска е
големо олеснување и за администраторите во училиштата, бидејќи наместо нив,
податоците за секој запишан ученик се внесуваат автоматски во системот на
министерството каде се води евиденција за сите училишта во државата. За
користење на алатката од страна на училиштата, предвидени се соодветни обуки за вработенит кои се во тек.
За оние родители кои
поради било каква причина немаат можност да ја искористат оваа електронска
услуга, останува можноста за пријавување на првачињата за упис и со физичка
достава на документи во училиштето.
Процесот на
дигитализација на услугите во образованието е поддржан од Центарот за
управување со промени, Владата на Обединетото Кралство, Британската амбасада во
Скопје и Министерството за информатичко општество и администрација.