Првите дози на вакцини против Covid-19 од производителот AstraZeneca пристигнаа во Радовиш
ЈЗУ Здравствен Дом Радовиш ги прими првите 200 дози на вакцини против Covid-19 од производителот AstraZeneca.
Вакцинацијата ќе ја спроведува службата за имунизација при ЈЗУ Здравствен дом-Радовиш. „Започнуваме од (петок) 02.04.2021, за пациенти над 77 години, со закажување преку апликацијата “Мој Термин” од страна на матичните лекари“ вели директорката д-р Лимонка Илиевска.
Националниот систем „Мој термин“ од вчера од 19:00 часот ги отвори термините преку кои матичните лекари закажуваат вакцинација на гараѓани што се опфатени во првата фаза и спаѓаат во групата 1Б од Националната стратегија за ковид-имунизација.
Матичниот лекар не секој граѓанин кога му закажува тремин за вакцинација, должен е да му каже во колку часот треба да се вакцинира и на кој пункт во здравствената установа се спроведува вакцинација против Ковид-19.
Граѓаните кои имаат термин и ќе ја примат вакцината потребно е со себе да понесат здравствена книшка и лична карта, за да бидат внесени во системот кој води грижа и за нивната ревакцинација.
Министерот за здравство Венко Филипче во денешната изјава рече дека вакцината на Астра Зенека е безбедна за возрасните групи граѓани над 77 години, и сите кои се пријавиле слободно да се вакцинираат, кај нив не се забележани негативни ефекти.