На 03 февруари годинава по спроведени заеднички активности помегу Одделот за криминалистичка полиција при МВР, Сектор за општ и насилен криминал, Сектор за внатрешни работи Струмица и Одделение за внатрешни работи Прилеп, полициски службеници од ОВР Прилеп приведоа три лица поради основано сомнение дека се сторители на кривични дела „тешки кражби“.
Имено на 03.02.2021, по претходно преземени оперативни мерки, а врз основа на наредба од Основен суд Прилеп извршени се претреси во домовите на М.Т.(27), М.Д.(29) и Д.Е.(20) сите од Прилеп, при што се пронајдени рачни часовници, мобилни телефони, сим картички, очила, патики и други предмети кои потекнуваат од кривичните дела
Лицата се сомничат дека се извршители на две кривични дела “тешка кражба” извршени во декември 2020 и јануари 2021 година во Струмица, при што од два стана со употреба на подесен клуч, одзеле пари, златен накит, часовници и други предмети, со што се стекнале со противправна имотна корист од 1.277.030 денари. По наредба на Јавен обвинител, приведените се предадени на полициски службеници од СВР Струмица, а по обавените разговори и целосното документирање на делата против нив е поднесена кривична пријава до Основното јавно обвинителство Струмица.
Во текот на вчерашниот ден (04.02) лицата се изнесени пред судија на претходна постапка при Основен суд Струмица, кој им определил мерки на претпазливост.