Петитот пакет економски мерки за поддршка на стопанството и граѓаните за справување со последиците од Ковид-19 ќе тежи помеѓу 50 и 60 милиони евра како директни буџетски импликации, потврди денеска вицепремиерот за економски прашања Фатмир Битиќи.
То додава дека се уште се
разгледуваат деталите за пакетот за да биде точно утврдена неговата вредност и
нагласи дека поддршката за платите нема да изостане и во петтиот пакет мерки.
-Ќе
има финансиска поддршка за платите исто како што беше и претходно затоа што и
претходната помош не беше безусловна. И порано требаше да се исполнат одредени
услови за помошта да стане неповратна истиот механизам го користиме и сега. Се
разговара за двете опции со синдикатите, стопанските комори и сите други – да
се продолжи со поддршката како и досега или таа да се замени со бескаматни
кредити. Оваа недела ќе треба заеднички да решиме со сите засегнати страни која
е најдобрата мерка имајќи во предвид дека полека заздравуваме и влегуваме во
рестарт на економијата, изјави Битиќи.
Тој додава дека со доделувањето на ваучери за граѓаните биле опфатени речиси 700 илјади граѓани, но дека во сетот на мерки кој сега се предвидува има мерка за отпис на каматите за заостанатите долгови кои ги имаат граѓаните кон јавните претпријатија на локално или на национално ниво. Во целиот пакет има повеќе од 20 мерки од кои ќе дојдат доволно средства до тие кои се најзагрозени.