Рудниците Бучим и Боров дол ќе донираат над 1.000 новогодишни пакетчиња кои ќе бидат подарени на дечињата
Дечињата од детската градинка Ацо Караманов од
Радовиш и годинава беа израдувани со новогодишни пакетчиња од рудникот Бучим,
со што се потврди долгогодишната традиција за одоброување многубројни
спонзорства и донации. Директорката
Љупка Тренчева се заблагодари на ваквата донација за радост на околу 450 дечиња.
Во детските градинки и годинава се одржаа работилници
за изработување новогодишни честитки и украси со кои се разубавија занималните
а за два дена ќе биде организиран и традиционалниот маскенбал на дечиањата, во
секоја занимална. Заменик генералниот директор Николајчо Николов кој беше во
посета на градинката присуствуваше и на подготвена новогодишна претстава од
најмалите.Тој ја потврди соработката и за во иднина, а на сите дечиња и
вработените им ги честита новогодишните празници.
Оваа година, рудниците Бучим и Боров дол ќе
донираат над 1.000 новогодишни пакетчиња кои ќе бидат подарени на дечињата, во детската градинка
“Ацо Караманов” во Радовиш, на детската градинка “12-ти Јули” во Конче, на
децата на вработените во рудниците Бучим и Боров Дол, на децата во домот за
згрижување на деца без родители Емануел, на децата на членовите на здружение на
лица со телесен инвалидитет Мобилност – Радовиш и на корисниците на дневниот
центар за лица со интелектуална попреченост Порака. Рудниците Бучим и Боров Дол, исто
така ќе донираат и новогодишни пакетчиња на Општинската организација Црвен крст
– Радовиш и на Здружението на турците за хуманитарни и културни активности
Кудрет Јашам Дернеѓи.