Македонија

Кризната состојба ќе овозможи менаџирање со сите капацитети на државата во здравствените установи, како во државните, но и во приватните

Претседателот на Владата, Зоран Заев по завршувањето на состанокот на Советот за безбедност, во изјава за медиумите ги потврди заложбите и посветеноста на Владата, во справување со здравствената криза предизвикана од КОВИД-19, поради кои најави прогласување на кризна состојба.

Како што истакна тој, со воведување на кризна состојба на целата територија на државата, се добиваат поголеми надлежности за управување со сите капацитети во државата. Кризата и бројот на заболени ја наметнаа потребата за менаџирање на институционалните и човечките капацитети во здравствените установи, како во државните, но и во приватните.

„Потврдувам дека слободни капацитети има, а дополнително се ослободуваат и нови. Граѓаните треба да знаат дека државата е подготвена, навремено ги користиме и сите законски можности кои ни се на располагање, како што е и воведување на кризната состојба“, рече премиерот Заев.

Одговарајќи на новинарско прашање во однос на воведување на полициски час и економските ефекти од таа одлука, премиерот Заев подвлече дека тоа ќе зависи единствено од препораките на Комисијата за заразни болести и од проценките на Кризниот штаб.

„Не  постои поважна работа од здравствениот аспект на кризата. Полициски час во овој момент не се предлага затоа што најверојатно експертите не гледаат дека тоа ќе даде дополнителни резултати. Денес, знаеме многу повеќе за коронавирусот од тоа што го знаевме на почетокот во февруари и март. Економската состојба е стабилна, октомври месец го завршивме со 2,5% поголеми приходи споредено со октомври 2019 година. Економските оператори работат, системот функционира. Немаме стравови за економски последици. Ако се предложи дека треба да има полициски час, Владата ќе постапи по таа одлука. Важно е да се знае дека Владата нема калкулации, за ефектот врз економијата. Прво, тоа не е ни блиску важно колку што е важно здравјето на граѓаните, а второ и за време на полициски час фирмите, операторите работат, има протоколи за работа, што значи ефектот би бил минорен врз економијата“, заклучи премиерот Заев. 

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

4 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

6 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago