Ова го има само во Радовиш, несовесни граѓани предизвикуваат намерно запушување на канализацијата
ЈП Плаваја од Радовиш повторно се соочува со проблеми околу запушување на канализацијата од несовесни граѓани, кој по се изгледа се прават намерно. Овој пат во канализацијата на улица „Плачковица“ спроти улицата „Лисец“ била фрлена цела платнена прекривка во која замотале и дрвена даска.
„После повеќе обиди да се исчисти канализацијата на улица „Плачковица“ спроти улицата „Лисец“ со помош на специјалното возило за чистење на канализација под висок притисок, констатиравме дека е потребно да се изврши копање и да се скрши цевката да се види што е тоа што ја запушува.Уште еднаш нашата „култура“ и однесување кон се она што значи општествено добро, дојде до израз. Во една цевка со дијаметар од 22cm нашите сограѓани успеале да фрлат цела платнена прекривка во која замотале и дрвена даска и со тоа намерно предизвикале запушување на канализацијата. ЈП„Плаваја“ Радовиш најостро го осудува ваквото однесување кое без предрасуди може слободно да се нарече срамно, некултурно и неодоговорно.Со ваквите намерни запушувања се прави намерна штета на животната средина со излевање на фекални води на улицата, се загрозува здравјето на граѓаните и се руши угледот на пртепријатието и вработените кои секогаш се на располагање на корисниците“, стои во известувањето од ЈП Плаваја.