Промовирана книгата „Обредни лебови“ од професорката Павлина Кошевец, книга која ќе остави траен белег на традицијата
Со изложба на фотографии од традиционални обредни лебови синоќа пред центарот за култура Ацо Караманов во Радовиш, беше извршена промоција на книгата „Обредни лебови“ од
професорката Павлина Кошевец од Радовиш, книга која ќе остави траен белег во етногравската
наука во земјава.
Во присуство на повеќе поканети гости промоцијата ја изврши професорката Гордана Здравкоска која како што рече книгата ја следи од нејзиниот зародиш од пред неколку години и знае колку авторката Кошевец вложила труд, за да конечно книгата добие заокружен облик, книга која не враќа назад кон корените.
Авторката Павлина Кошевец се заблагодари на сите подржувачи за да книгата
излезе од печат, а посебно на нејзините информатори кои се непресушен извор и
ризница на нашето културно богатсво. Кошевец во оваа прилика предложи да се брендира
Тодоровата погача а да се органзира и
манифестација, посветена на обредните лебови.
Издавањето на книгата „Обредни
лебови“, финансиски е подржана од Министерството за култура, од Општина Радовиш
и Советот на општината како и од компанијата Детонит.
Центарот за култура „Ацо Караманов“ како издавач на книгата, ја организира
и самата промоција. Директорката Изабела Ангелова искажа голема благодарност до сите грѓани кои
се вклучија активно со подготовка на традиционални радовишки специјалитети, од
видот на обредни лебови, погачи, баници, добро познататите радовишки гурабии и
алви.
Според Ангелова книгата Обредни
лебови ќе претставува прирачник за идните генерации за реализација на сите
обреди и обичаи и ќе ја сочува нашата
традиција. Само во оваа книга се напишани
старите, веќе во изумирање песни, кои се пејат на празниците коледе, лазара, при месење кравајче и други обичаи.
Во оваа прилика промоцијата беше збогатена и со изведба на стари изворни песни карактеристични за нашето поднебје.