Училиштата во Општина Босилово имаат услови за одржување настава со фисичко присуство на учениците
Градоначалникот на Општина Босилово Зоран Зимбаков оствари средба со директорите на трите основни училишта во
општината. На средбата директорите ги презентираа просторните и други можности на
училиштата, за организација на наставата со физичко присуство во училиштата, согласно Планот за одржување на наставата во
основните и средните училишта во учебната 2020/2021 година, со цел успешен
почеток на новата учебна година.
,,Настава со физичко присуство во училница од IV до IX
одделение и од прва до четврта година може да се реализира во училиштата
со обезбедени санитарно – хигиенски услови за одржување на општа и лична
хигиена наведени во Протоколите, бројот на деца во одделението, согласно
епидемиолошката состојба во подрачјето/општината на која се наоѓа
училиштето”, предвидува Планот.
„Терминот ,,физичко присуство” не значи да ги ставиме децата во карантин туку нормално да продолжат со нивниот физички и ментален развој,додека другите предуслови за да може сето тоа непречено да се одвива со минимален ризик треба да ги обезбедиме ние возрасните. За таа цел Советот на општина Босилово одржа седница и донесе :,,Одлука за организирање на настава со физичко присуство,за учениците од IV до IX одделение” за :ООУ Гоце Делчев -Босилово ООУ Кирил и Методиј -Иловица и ООУ Борис Трајковски-Моноспитово,додека општината заедно со сите други пропратни документи поднесе барање до Комисијата за разгледување на поднесени барања за организирање на настава со физичко присуство,која што е единствена да одлучува по оваа прашање“, вели градоначалникот Зимбаков.