За попладнево во 18 часот најавен е протест против покачувањето на електричната енергија кој го организира ВМРО-ДПМНЕ.
„Скапа струја а сиромашен народ.
И токму поради тоа ќе протестираме. Тоа е причината поради
која ќе излеземе со свои барања“, рече Мицкоски во понеделникот, кога ги најави протестите.
Како што истакна партискиот
лидер, Христијан Мицкоски, протестот ќе почне пред Министерството за правда, а
ќе заврши пред Регулаторна комисија за енергетика.
Лидерот на ВМРО-ДПМНЕ посочи дека
пари има, ама тие не одат кај народот.
„Пари има затоа што потрошија 1
милијарда евра на поткуп, трошат над 8 милиони евра за возила, трошат за колачи
и тендери за вафли додека народот живее на вересија. Им пропадна банка од 200
милиони евра и око не им трепнува. Обезбедуваат повластена тарифа за
универзалниот снабдувач на струја и екстра тендери на струмичка агеција за
обезбедување за што се сомневаме дека испумпуваат пари додека сто илјади
граѓани живеат со помалку од 50 денари дневно. Ете затоа протестираме, а пари
има и цената на струјата мора да се врати по старо“, рече Мицкоски.
„И сакам уште една порака да испратам до сите
незадоволни политички партии, интелектуалци, синдикати здруженија, еснафи и
поединци.
Време е да се обединиме, да ги надминеме нашите разлики и да
направиме опозициски фронт против оваа власт која е мафија и која продолжува да
се богати на грбот на народот. И точно е имаме разлики, различни гледишта
можеби и различни концепти. Ама и во Тетово, Битола, Штип или Скопје народот го
обединува сиромаштија против која мораме заеднички да се бориме. И мораме да се
спротиставиме на оваа мафија со активен отпор и на улица, на протести и да
протестираме за секоја тема која ги мачи граѓаните“ додава Мицкоски во својата објава на
ФБ профилот