Со положување на свежо цвеќе одбележан Денот на независноста 8 септември во Радовиш
Денеска во Радовиш на свечен начин со положување свежо цвеќе беше одбележан Денот на независноста на Република Македонија 8 Септември. По повод 29 години од прогласувањето на независноста и самостојноста на државата, на спомен обележјето пред зградата на ЕЛС Општина Радовиш беше положено свежо цвеќе.
Во име на целокупната општествено-политичка јавност, венец од
свежо цвеќе положи Градоначалникот на општина Радовиш Герасим Конзулов и
делгација од Рудникот Бучим
предводена од заменик генералниот директор Николајчо Николов.
До сите граѓани беше упатена честитка за Денот на незвисноста од име на Градоначалникот на Општина Радовиш Герасим Конзулов. Настанот се одржа во посебни услови согласно протоколот за одбележување државни празници на комисијата за заштита од заразни болести односно со минимум присутни лица и почитување на здравствените протоколи и обезбедена дистанца и заштита.
На 8 септември 1991 година со убедливо
мнозинство – 95% од граѓаните што излегоа на референдумот, позитивно одговорија
на референдумско прашање: „Дали сте за самостојна Македонија со право да стапи во иден сојуз на
суверени држави на Југославија“?
Денот на независноста на Македонија е државен празник кој се празнува на 8 септември. Празникот популарно е наречен и 8-ми Септември и ја означува сувереноста, независноста и самостојноста на Македонија и македонскиот народ.