Помина 23 Август, денот кога се сеќаваме на сите жртви на тоталитарните и авторитарни режими во 20 век. Ова зло не смее да се заборави, потсетува Богојески од Македонски концепт.
„Во Македонија ниту една институција не го одбележа овој значаен ден!
Тоа е најголем доказ дека Македонија сеуште не е слободна. Фактот на немање капацитет на државните институции, јасно и недвосмислено да ги осудат тоталитарните режими, особено комунизмот, резултираа на овие избори со целосно идеолошко застранување, кое не одведе во сосема погрешен правец, Парламентот стана дувло на национал – болшевизам! Тоа мора да падне.
Македонија е независна но сеуште не е слободна. Време е за следниот чекор. Да ја ослободиме Македонија!“ вели Петар Богојески од Македонски концепт.
Инаку ЕУ го прогласи 23 август, за Ден на сеќавање на жртвите на сите тоталитарни и авторитарни режими во Европа, ставајќи ги на исто рамниште нацистичкиот и сталинистичко-комунистичкиот режим. Слични резолуции, неколку години претходно, беа усвоени и од Комисијата за политички прашања на Парламентарното собрание на Советот на Европа.
Тоа беше почеток на „приказната за двата тоталитаризми” – нацизмот и комунизмот како два еднакви кошмари на Европа на 20 век.
Декларацијата предлага 23 август, денот на потпишување на договорот меѓу Хитлер и Сталин, да биде ден на сеќавање за жртвите на на сите тоталитарни и авторитарни режими.