Претседателот на ВМРО-ДПМНЕ
Христијан Мицкоски испрати честитка со која на сите припадници на вооружените
сили, но и на сите граѓани им го честита денот на Армијата на Република
Македонија.
„На денешен ден пред 77 години на Славеј планина, во славна Дебарца формиран е Баталјонот Мирце Ацев, кој е почетокот на македонското организирано војничко делување во Втората Светска Војна, кога македонските партизани, народ и држава, застанаа на страната на Сојузниците против најголемото зло на 20 тиот век фашизмот.
Луѓето кои пред 77 години, во виорот на фашизмот
не се исплашија и го кренаа својот глас, се нашите херои и луѓето на кои им ја
должиме слободата денес, тие се децата и внуците на Илинденците, и тие пред
нив, кои се бореа за Македонија.
Тие стотина луѓе тогаш имаа огромна храброст, а
од нивната храброст произлезе државноста. Таа храброст е доказ дека фундаментот
е пожртвуваноста и посветеноста кон татковината, а таквата посветеност е
потребна и денес кога државата се соочува со големи премрежја и предисвици. Да
се потсетиме на нивната пожртвуваност, но и да се погрижиме да не биде залудна.
Мора да изградиме држава на среќни и задоволни граѓани.
Вие, припадниците на АРМ денес сте луѓето на чиј грб почива државноста и бидете горди на тоа. Честит ден АРМ“, стои во честитката на Мицкоски