ППК Радовиш ја заврши сезоната на петто место на табелата, во тек е регистрацијата на тимовите за идната сезона
Поради вонредната состојба предизвикана од Ковид-19 вирусот на вонредното Собрание на клубовите на ППФСМ е донесена одлука доколу не се создадат услови за продолжување на првенството и негово завршување до 5 Јули, првенството за натпреварувачката 2019/20 сезона да се прекине. Нашиот тим „ППК Радовиш“ го заврши натпреварувањето на 5-то место.
Одлуката за наредната натпреварувачка сезона 2020/21 година е Супер Лигата да брои 10 клуба со што нашиот клуб и следната сезона ќе се натпреварува во најквалитетната лига во нашата земја т.е Супер Лигата.
Следната натпреварувачка сезона поради поголемиот број на екипи кои учествуваат допринесува за интересно првенство во борбата за што подобар пласман на прволигашката табела.
Обврски на клубовите пред почетокот на сезоната 2020/21
Клубовите од Супер и прва лига имаат обврска своето учество во лигите да го потврдат до 30 Јуни 2020 година.
Клубовите од Супер и прва лига во своите екипи мораат да имаат регистрирано играч помлад од 21 година, кој ќе треба да одигра 60% од натпреварите во првиот состав на екипата во текот на првенството.(поради техничка грешка во претходниот допис беше спомната само супер лига)
Преодниот рок е во периодот од 1 до 25 Август.
Сите клубови имаат обрска да достават ажурирани податоци за лице за контакт со федерацијата, Име и презиме, телефонски број и е-маил адреса, секој клуб можи да достави најмногу два контакти. Рокот за исполнување на оваа обврска е до 15 Август.
Сите клубови имаат обврска да достават податоци за големина на спортска опрема од сите свои членови, со уредно пополнет образец кој на клубовите им е испратен по е-маил Пополнувате само ИД број, сите големини се внесуваат со клик, паѓачка листа. Рокот за доставување на овие податоци е до 25 Август.