За последните 24 часа регистрирани се 164 новозаболени од корона вирусот, направени се 1045 тестирања, а нема направени скрининг тестирања. Најмногу од новозаболените се во Скопје -85, следуваат Куманово-24, Дебар-3, Штип-5, Прилеп-3, Тетово-18, Струга-5, Охрид-9, Гостивар-2, Гевгелија-1, Крива Паланка-1, Кочани-1, Македонски Брод-1, Валандово-1, Свети Николе-2, Ресен-2, Неготино-1.
„Во ГОБ „8 септември“ почина пациентка од Скопје на 53 години, хоспитализирана како сомнителна на ковид на 2 јуни и потврдена позитивна по приемот. Во болницата во Тетово почина пациентка на 60 години, хоспитализирана како сомнителна на ковид на 9 јуни“, стои во соопштението на МЗ.
На Инфективната клиника во Скопје и болницата „8-ми Септември“ во изминативе 24 часа примени се по 16 нови, а вкупно се хоспитализирани 153 пациенти. Инфективната клиника во Скопје на кислородна поддршка се 44 пациенти, а нема пациенти на механичка вентилација, а во болницата „8-ми Септември“ на респираторна машина се 10, a со потешка клиничка слика се уште 11 пациенти.
„Во болницата во Битола се хоспитализирани 25 пациенти, а на домашно лекување преку болницата се следат 2 пациенти. Во болницата во Штип се хоспитализирани 23 пациенти. На инфективните одделенија во Тетово, Охрид, Велес, Куманово и Прилеп се хоспитализирани 31 пациент – позитивни и сомнителни на ковид-19“, информираат од МЗ.