Директорот за Агенцијата за цивилно воздухопловство, Томислав Тунтев смета дека не треба двата аеродроми во државата се отворат пред 15 Јуни.
Моментално бројот на летови е само 7 до 10 проценти во споредба со претходната година и во тие летови се опфатени воените летови, специјалните медицински, државните, хуманитарните летови и летовите за државјаните кои останале надвор од територијата на земјава за време на избувнувањето на пандемијата и се затворањето на границите во сите европски држави.
Одлуката за отворање на аеродромите е врз основа на податоците од Комисијата за заразни болести и Кризниот штаб, пред сè од укинувањето на карантинот и отворањето на меѓународните граници за движење на граѓаните, бидејќи аеродромите и границите се меѓународни и важат истите правила како и за другите граници.
Тој истакнува дека аеродромскиот оператор, ТАВ е подготвен да започне со работа според препораките за заштита од КОВИД-19 и донесување на одлука од владата.
Агенцијата за цивилно воздухопловство е во директна комуникација со операторот ТАВ. Тие се подготвени за отпочнување со работа по протоколи. Конечните протоколи во врска со означувањата, правилата, критериумите, одредбите, се е во подготовка.
Скопскиот и Охридскиот аеродром се затворени од средината на март, со цел да се спречи на ширењето на Ковид-19 вирусот. Со ова е предизвикана голема штета врз воздушниот сообраќај на земјата. Во воздушниот сообраќај се изгубени околу половина милион патници до крајот на Мај.