Според законите во државата, изборите ќе се одржат по истекот од 22 дена после завршувањето на вонредната состојба. Тоа значи, датумот за избори е 5 Јули, изјави денеска техничкиот премиер Оливер Спасовски во Куманово.
„Тоа е единствена опција пропишана со закон, и не постои друг правен механизам. Ако прецизно се одброи, тоа значи дека изборите ќе бидат на 5 јули. Било какво пролонгирање не можно ниту од правен, ниту од праведен аспект. Секој термин на избори кој ќе навлезе во летниот период ќе го загрози гласачкото право на граѓаните, зашто ќе се спротивстави со правото на одмор. Избори после 5 Јули ниту се правно возможни, ниту се праведни кон граѓаните, едноставно не бива избори среде летни одмори. Од друга страна избори наесен се опасна идеја по здравството и економијата“, соопшти Спасовски.
Спасовски ги повика сите политичките партии, особено обрати внимание на ВМРО-ДПМНЕ, да преземат одговорни чекори и да бидат дел од решението, наместо да бидат извор на проблемите.
„Изборите се поважни за здравјето на граѓаните и од кафеаните и од спортските натпревари, славите и веселбите. Ако можеме да пазаруваме секој ден во маркет или на пазар, да седиме во ресторан и состанок под маски, тогаш можеме со сигурност и да одиме на избори“, рече Спасовски.