Македонија

Протоколот за одржување избори е подготвен од Комисијата за заразни болести

Mинистерот за здравство, Венко Филипче, го претстави протоколот на Комисијата за заразни болести во врска со одржувањето на изборите. Носење маски и ракавици, држење дистанца и дезинфекција се дел од мерките кои министерот апелира строго да се почитуваат.

Протоколот е подготвен на барање на претседателот Стево Пендаровски кај кого во вторникот се одржа лидерска средба, а лидерите се договорија да се побара протокол и процена од Комисијата за заразни болести, мислења од ДИК и од ОБСЕ/ОДИХР. Следната недела повторно ќе се состанат за да се одлучува за датумот за избори.

„Сите лидери на средбата се изјасниле дека здравјето е на прво место и затоа очекувам дека сите партии ќе го почитуваат овој протокол. Тој произлегува од генералните препораки кои се во сила и ќе останат во наредниот период“,рече Филипче.

Во протоколот стои дека сите активности во кампањата треба да се одвиваат почитувајќи мерките за заштита, односно физичката дистанца од 1.5 до 2 метри, миење и дезинфекција на рацете, носење заштитни маски.

Сите мерки да се почитуваат доколку собирите се одржуваат во затворен или отворен простор каде неможе да се држи дистанца.

Во кампањата да не се влегува во домаќинствата, туку само на врата или во дворови.

Сите активности во штабовите да се спроведуваат на отворено, доколку тоа не е можно, да се почитуваат препораките, да се проветрува редовно и да се врши дезинфекција.

На денот на гласање членовите на избирачките одбори и набљудувачите да носат заштитни маски и ракавици, редовно да се проветрува и да се дезинфицираат рацете. Гласачите да се на дистанца од 2 метри и при идентификацијата гласачот кратко да ја тргне маската. Да нема повеќе гласачи во просторијата од бројот на боксови за гласање и да се зголеми времето на гласање за два часа.

Media Press

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago