Со заедничката
координирана акција на радовишката полиција,
шумската полиција и вработените од Национални
шуми, успешно справување со дрвокрадството во Општина Радовиш во борба против дрвокрадството.
Се почесто се случува да бидат откриени дрвокрадци или купувачи на бесправно сечено огревно дрво во општината.
Oколу 15 метри кубни бесправно сеченo огревно дрво минатата недела пронашла полицијата во двор од семејна куќа на регионален пат Радовиш-Конче. Раководителот на ЈП Национални Шуми Димче Анастасов вели дека ќе продолжат со ваквите акции со цел да се заштитат шумите.
Градоначалникот на Општина Радовиш Герасим Конзулов јавно го актуелизира проблемот околу дрвокрадството и лично се заложи надлежните институции да ги засилат контролите како во шумските појаси и патишта, така и во дворовите.
Инаку пред околу две недели по одржувањето на заедничкиот состанок на надлежните институции на иницијатива на градоначалникот Конзулов, бе видливи и првите резултати. Беа одземени осум запрежни коли натоварени со огревно дрво, беше пронајдено огревно дрво во двор на радовишанец, на лице место беше фатен препродавач на дрво на улица Коџа Баир. При оваа акција беше присутен и градоначалникот Конзулов кој лично се заложи за стопирање на дрвокрадството во Општина Радовиш.