Градоначалникот на
општина Гевгелија, Сашо Поцков, заедно со претседателот на Советот на општина Гевгелија, Тодор Ристов, на Денот на полицијата и
безбедноста 7 мај, го посетија ОВР-
Гевгелија и на припадниците на полицијата им го честитаа Празникот на
полицијата.
Притоа, градоначалникот Поцков на началникот
на ОВР –Гевгелија, Антонио Карапеев и командирот на ПС- Гевгелија, Миле
Ангелков, им изрази благодарност за досегашниот ангажман во работата на
Општинскиот штаб за заштита и спасување и спроведувањето на донесените мерки,
како и воопшто изрази благодарност за ангажманот на полицијата во Општина
Гевгелија за доследна примена на мерките од Владата на РСМ и надлежните државни
институции за спречување на внесувањето и ширењето на Корона вирусот на
територијата на општина Гевгелија.
„ Како резултат на ваквата координирана активност и доследна
примена на мерките на Општинскиот штаб за заштита и спасување, но и ангажманот
на припадниците на полицијата, кои заедно со здравствените работници, беа во
првите најистурени редови за постапување и дејствување во вонредни услови
наметнати од пандемијата на Корона вирусот, нашата општина не се најде во
ризичните подрачја на заразени со Корона вирусот во земјата. Секако, на тоа влијаеше
и однесувањето на граѓаните и нивното почитување на донесените мерки“, истакна градоначалникот на општина
Гевгелија, Сашо Поцков. Во знак на благодарност, тој на полицајците во
дежурната служба им подари телевизор.
Денот на полицијата во ОВР- Гевгелија беше
одбележан со полагање на цвеќе на спомен бистата на Ѓорге Стамов, во дворот на
установата, како и со акција на полицајците за примена на мерките за заштита од
Корон авирусот. Имено, полицајците во центарот на Гевгелија им делеа заштитни
маски на возачите на автомобили и граѓаните потсетувајќи ги на тој начин на
Уредбата на Владата на РСМ за задолжителното носење на заштитни маски во
затворени и отворени простори и одржување на потребната дистанца.
„И во оваа прилика, како впрочем и пред и за
време на пандемијата и прогласената вонредна состојба, сакавме да покажеме дека
полицијата е сервис на граѓаните, така ќе биде и во иднина, да им помогне на
граѓаните во заштитата на здравјето, но и за попречување на сите незаконски
појави и однесувања“, изјави началникот на
ОВР- Гевгелија, Антонио Карапеев.