Целта е превенција и намалување на последиците од евентуалните катастрофи,
пред се поплавите кои во последните 20 години се честа појава во овој регион.
Со проектот е
планирано регулација на околу 630 метри од речното корито на реката Сушица. Градоначалникот
на Општина Радовиш Герасим Конзулов смета дека овие зафати ќе значат многу
не само за општината, туку и за целиот
струмички регион во кој се сливаат надојдените води. Според него за поплавите
допринесува и дрвокрадството со што голите ридови не можат да се справат со
надојдените води и се случуваат поплави. Тој изрази голема благодарност до Центарот
за развој на ЈУ регион за реализацијата на овој проект за прекугранична соработка
на Радовиш и Сандански од Бугарија.
Градежните актвиности
ќе ги изведува фирмата Џови Компани од село Мокрино струмичко. Конзулов рече дека ова е прва фаза од проектот
и дека во следните неколку гоини треба да биде завршен потегот од 2,2
километри. Станува збор за проект за прекугранична соработка со Република
Бугарија, и еден од главните зафати е уредување на дел од коритото на река
Сушица која само во последните десетина години се има излеано три пати.
Проектот ќе се реализира во наредните две години. Еден дел од активностите е насочен кон подигањето на свеста за климатските промени и последиците од нив.
Проектот е финансиран од Европската Унија преку ИПА програмата
за прекугранична соработка помеѓу Бугарија и
Македонија. Проектот е вреден околу
588 илјади евра. Со свој дел од околу 192 000 евра учествува и општина Радовиш.