Categories: Македонија

Државниот инспекторат за земјоделство со демант на изјавата на Трипуновски во врска со откупот на зелка

„Инспекторите на Државниот инспекторат за земјоделство изминативе две недели се постојано на терен и вршат контрола на откупот на  зелка и други рано градинарски земјоделски производи. Покрај инспекторите од Струмица, анагажирани се и инспкторите од Скопје и од другите градови на државата.

Досега се извршени преку 70 надзори над откупот на земјоделски производи во Струмичкиот, Валандовскиот и Гевгелискиот регион. Изготвени се повеќе записници, а дел од нив се изготвуваат. Констатирани се одредени неправилности и непочитување  на законите и подзаконски акти кај одредени компании кои се занимаваат со откуп на земјоделски производи  и изречени се повеќе казни, поведени се постапки за порамнување и се изготвуваат и прекршочни пријави. Покрај контролите на откупните пунктови започнати се и детални контроли во седиштата на овие компании на севкупното нивно работење. Сите овие активности се одвиваа интезивно и покрај сложените услови предизвикани од пандемијата.

Овие инспекциски надзори интезивно ќе продолжат и во наредниот период и ќе се спроведуваат неселективно. Сите оние кои ќе ги прекршат прописите ќе бидат санкционирани.

Вчера дополнителниот заменик министер за земјоделство, шумарство и водостопанство Трипуновски даде изјава во повеќе медиуми дека инспекторите не можел ги види  на терен, што е апсолтна невистина и информирани сме дека тој разговарал веќе со некои откупувачи каде што е извршен инспекциски надзор. Можеме да констатираме дека изнесување на невистини и омаловажување на работата на инспекторите, особено во вакви сложени услови не се потребни.  Само да се потсетиме дека вакво негирање на работењето на Државниот инспекторат за земјоделство од Трипуновски беше изнесувано и за време на откупот на тутунот кога беа  откупени  над 99% од договорените количини на тутун по историски највисока цена, при што за време на откуп на тутунот   Државниот инспекторат за земјоделство изврши преку 4.000 инспекциски надзори.

Воедно ја користиме оваа прилика да потенцираме дека според податоците на Царинската управа оваа година се извезени над  21.000  тони зелка. Фитосанитарните инспектори  на Државниот инспекторат за земјоделство ,заедно со вработените во Царинската управа, работеа без прекин до вечерните часови со што се овозможи извозот на зелката и на другите раноградинарски производи да се реализира без било каков засотој“, стои во демантот од Државниот инспекторат за земјоделство. 

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago