“ЈП„ПЛАВАЈА“ Радовиш најостро ги демантира сите шпекулации и дезинформации кои се шират на социјалните мрежи во вид на објави или коментари околу исправноста и квалитетот на водата за пиење во Радовиш.
ЈП„Плаваја“ Радовиш работи според сите Правилници и законски акти за производство и третман на вода за пиење и подлежи на неделни контроли на квалитетот на водата кои се спроведуваат од надлежена ЈЗУ Центар за јавно здравје – Штип.
Од своето основање до денес не постои случај кога квалитетот на водата бил надвор од утврдените граници!!!
Ширењето на лажни информации и вести е казниво дело, како и сите коментари кои го поткрепуваат и кои ствараат паника и страв кај населението, затоа бараме од надлежните органи да поведат соодветни постапки против сите лица кои шират невистини, шпекулации и дезинформации за квалитетот на водата за пиење.
Во интерес на вистината како пример Ви ставаме на располагање линк на кој можете да видите примери на Анализи на водата за пиење и нејзиниот квалитет и препораки на надлежниот Центар за јавно здравје
На сликите од екран подолу може да видите како неодговорни граѓани коментираат и прават цела низа на лажни информации и констатации со кои ствараат паника и страв кај населението во овој период.”