Големите автомобилски гиганти како Ford, General Motors, Ferrari, Fiat и Nissan, ги засилија своите напори во производството на респиратори. Во борбата се вклучува американската компанија Тесла и германските гигантѕ Volkswagen и BMW.
Ситуацијата со коронавирусот станува се полоша во Европа, а полека се шири и во Северна Америка, поради што компаниите сакаат да се вклучат во борбата.
Ferrari и FCA разгледуваат опции за производство со Siare Engineering за преместување на производствени капацитети на компонентите за респиратори во погоните на автомобилскиот производител во Маранело кој се наоѓа во близина на фабриката на Siare Engineering .
Ford и General Motors ќе отпочнат производство на респираторни машини во нивните производствени погони. Тие тврдат дека нивните погони се многу лесно прилагодливи за отпочнување со производство. Досега чекаа само дозвола од Белата Куќа.
Од Volkswagen најавуваат дека имаат оформено оперативна група која има цел да ја проучи употребата на 3D печатачите во производството на респиратори. Германскиот гигант има повеќе од 125 индустриски 3D печатачи, а компанијата во моментов тестира материјали и го проверува ланецот на снабдување.
Сепак, ова не се единствените компании кои нудат помош. Од групацијата Volkswagen, допринос имаат и Škoda и луксузната филијала Bentley.
Од BMW известуваат дека се подготвени да помогнат. „Производството на компоненти во рамки на употреба на технологијата на 3D печатењето претставува можност“ стои во известувањето