На одржаниот состанок денеска,19
Март 2020 година, на Штабот за заштита и спасување на општина Радовиш, кој го
водеше Командантот на штабот Герасим Конзулов според состојбата во земјата и
препораките од Владата, Министерството за здравство и Законот за заштита и
спасување, донесени се повеќе заклучоци, апели и препораки до граѓаните на
општина Радовиш и останатите субјекти во општината.
Во врска со работата на „Градски
пазар“ – Радовиш донесен е следниот заклучок:
Од Градскиот пазар се
отстранува продажбата на текстилни производи и истиот ќе биде наменет само за
продажба на прехранбени артикли т.е. овошје и зеленчук со работно време од
Понеделник, Среда и Сабота и истото да биде контролирано од полициски
службеници и пазарна инспекција.
Организацијата на просторот и
распоредот на тезгите за продажба ќе го вршат одговорни лица од ЈП„Плаваја“
Радовиш.
Согласно заклучокот
„Градскиот пазар“ – Радовиш ќе работи само во деновите:
Понеделник, Среда и Сабота со
работно време од 8:00 до
14:00 часот.
Апелираме до сите продавачи
кои ќе продаваат своја стока во согласност со Заклучокот на Штабот за заштита и
спасување на општина Радовиш и до купувачите, да се придржуваат во целост кон
мерките за спречување на ширење на заразата со вирусот Ковид-19 (корона вирус)
пропишани од страна на Владата.
СО ОВА ИЗВЕСТУВАЊЕ ИМ СЕ
НАЛОЖУВА НА ПРОДАВАЧИТЕ НА ТЕКСТИЛНИ ПРОИЗВОДИ КОИ ВО МОМЕНТОТ ВРШАТ ПРОДАЖБА
НА „ГРАДСКИОТ ПАЗАР“ ВЕДНАШ ДА ГИ ОТСТРАНАТ СВОИТЕ ТЕЗГИ И ДА ГО НАПУШТАТ
„ГРАДСКИОТ ПАЗАР“ стои во известувањето од ЈП Плаваја.