Дали граѓаните на Радовиш сериозно ја сватија ситуацијата со корона вирусот. Денеска речиси празни улици. По улиците можеше да се забележи само некој граѓанин како брза кон најблискиот маркет, за да се обезбеди со прехранбени производи и средства за лична хигиена. Повеќето од граѓаните кои ги сретнавме се движеа со заштитни маски.
Засега маркетите сеуште се полни со производи и нетреба да има загриженост. Дистрибутерите непречено доставуват прехранбени производи и ги обезбедуваат маректите. Продавачите велат дека нема поголеми гужви. Според нив најмногу се троши маслото за јадење, брашното, тестенините, сол, шекер, тоалет и други средства за хигиена. Продавачите во маркетите и аптекарите, работат со заштитни маски и со ракавици.
Таксистите повеќето работат без заштитна маска, но некои целосно ги почитуваа мерките за превенција и работеа со маска и со ракавици.
Затворени се сите угостителски објекти. Празни се и детските паркови, немаше ниту едно дете да се
забавува во паркот. Дали тоа значи дека радовишани сериозно ја сватија
ситуацијата со корона вирусот останува да се види. Општина Радовиш и градоначалникот Герасим
Конзулов повторно апелираат на
одговорност и почитување на сите препораки и мерки за заштита од корона вирусот,
бидејќи здравјето е пред се. Општината својата работа со граѓаните ја сведе на
минимум и се решаваат само нај итните и неодложни барања. Останатите граѓани за
се што им е потребно со локалната
самоуправа комуницираат по електронски пат.