Центарот за развој на Југоисточниот плански регион денеска ги претстави успешно завршените проекти во Општина Василево и општина Струмица
Центарот за развој на Југоисточниот плански регион денеска ги промовираше успешно реализираните проекти „Заеднички работен простор – средство за зајакнување на соработката со бизнис секторот“ и „Агрометеоролошки станици за заштита на земјоделските култури и животната средина“ со финансиска поддршка од Швајцарската Агенција за развој и соработка и Министерството за локална самоуправа.
Градоначалникот Коста Јаневски, којшто е и претседател на Советот за развој на Југоисточниот плански регион со амбасадорката на Швајцарија во Република Северна Македонија, Сибил Сутер Теада, министерот за локална самоуправа Горан Милевски и градоначалниците од општините на Југоисточниот плански регион, ја посетија агрометеоролошката станица во општина Василево, која што е една од 23-те поставени во регионот.
-Ги користиме сите можности за овој наш регион да добие компоненти кои во секој поглед и од секој аспект би помогнале во неговиот развој. Еден од ваквите успешни примери е и овој реализиран проект со агрометеорoлошките станици кои се надевам ќе бидат правилно искористени и ќе помогнат во подобрувањето на квалитетот на земјоделските производи, рече Јаневски.
Свечената промоција на проектите продолжи во просториите на Центарот за развој на Југоисточниот плански регион во Струмица.
Агрометереолошките станици се поставени во
околината на Ангелци и Пиперево со опфат од вкупно 60 ха.