Поголемо значање меѓу народот се дава на Василица како
попознат празник и со домашна слава на многу семејства. По тој повод во
црковниот храм Св.Троица денеска беше
одржана света Василичарска божествена литургија.
Свети Василиј
Велики е христијански светец, теолог и епископ
од Кападокија, Мала Азија. Во црквата се смета како
голем поборник за православната вера, пристаниште на моралната чистота и
столб на Црквата. Како светец бил прогласен по неговата смрт.
Свети Василиј Велики се
упокоил на 14 јануари во 379 година. Дел од останките
на Свети Василиј се наоѓаат и во црквата Свети Кирил и
Методиј во Струмица.
Традиционално спроти 14 јануари, вечерта по старата македонска
традиција се меси и прави зелник, се дели лепче со паричка, кому ќе се падне
паричката ќе биде кум наредната година и ќе ги организира сите луѓе околу
василичарскиот оган. Богата трпеза на која задолжително има домашни колбаси и
друга храна подготвена од домаќинките, како и вино и грејана ракија при што се
пеат староградски и народни песни до
рано изутрина.
Оваа традиција во Радовиш и
околните населени места се негува со децении. Според православната црква
Василичарските огнови и маски, се сметат како наследство од
предхристијанството и се пагански обичаи.