Во рамките на проектот „ Агрометеоролошки станици за заштита
на земјоделските култури и животната средина “ Центарот за развој на
Југоисточниот плански регион организира информативни денови за користење на
нови методи во земјоделството и подигање на свеста на земјоделските
производители за прекуумерното третирање на почвата.
Во рамките на проектот поставени
се 23 Агрометеоролошки станици во сите општини од Југоисточниот регион кои ќе
овозможат брз и современ начин за добивање на потребните податоци со цел да се
извршуваат соодветни мерки за управување со земјоделските култури, а
истовремено и заштита на животната средина преку намалување на процентот на
третирање на почвата.
На територијата на општина
Босилово се монтирани две метео-станици.
За таа цел
во информативно-едукативен
центар во Општина
Босилово денеска ќе се одржат информативни денови за сите земјоделски
производители и заинтересирани страни да земат учество и да се информираат за
начинот на добивање на бесплатни временски информации (влажност и температура
на воздух, правец и брзина на ветер, сончева радијација, влажност и температура
на почва, влажност на лист и прогноза на болести).
Проектот
го имплементира Центарот за развој на Југоисточниот плански регион со
финансиска поддршка од Министерството за локална самоуправа и Швајцарската
Агенција за развој и соработка.