Талентираните ученици
имаат повторно можност за бесплатно учество на меѓународниот музички камп за
деца и млади во Салцбург, во летото 2020.
Рудникот “Бучим”, филијала на Солвеј Инвестмент Груп во
Северна Македонија, го отвори својот годишен повик за учество во стипендиската
програма на Солвеј.
Млади
талентирани ученици на возраст од 14 до 17 години коишто имаат некаков талент
во музика, применета уметност, етнички занает, актерство или било каков друг
вид на креативна изведба имаат право да аплицираат за учество во стипендиската
програма.
За учество во Солвеј музичката програма, потребно е
кандидатот да сними видео во кое на својот мајчин јазик ќе објасни зошто сака
да учествува во кампот за деца и млади во Салцбург и ќе го прикаже својот
креативен талент/ таленти.
Пријавувањето започнува од 01 декември, 2019.
Крајниот рок за пријавување е 15 јануари, 2020.
Одбраните кандидати ќе посетуваат бесплатен
4-месечен курс по англиски јазик, а по завршетокот на курсот тие влегуваат во
вториот изборен круг и треба да снимаат видео во кое на англиски јазик ќе се
претстават себе си и ќе го прикажат својот талент.
Двајца од најкреативните, најкомуникативните,
најспособните и најталентираните финалисти ќе бидат избрани за патување во
Салцбург, со сите трошоци покриени и престој од една недела во Салцбуршкиот
музички камп за деца и млади, кој што ќе се одржи во август, 2020, во Австрија.
За повеќе детали, како и за пријавување за
стипендијата за музичкиот камп Солвеј можете да ја посетите интернет страницата:
http://solwaygroup.com/musiccamp/?lang=mk