Три дена Радовиш живееше во духот на 46 Караманови поетски средби на кои присуствуваа поети од повеќе земји меѓу кои и големиот шпански поет Хусто Хорхе Падрон добитник на Европската награда за поезија „Ацо Караманов„.
Свеченото отварање на
манифестацијата започна со изложба на слики од познатиот македонски сликар Ниче
Василевски, продолжи со познатите стихови од Ацо Караманов „Псалм за m-lle
Lili“ и со кореографијата „Перон„ на балетското студио Газели.
Овогодишните
„Караманови поетски средби“ свечено ги отвори градоначалникот на
Општина Радовиш Герасим Конзулов, кој ги поздрави присутните гости.
Големиот шпански поет Падрон, добитник на европската награда за поезија, се
претстави со повеќе песни од својот поетски опус, од кои
поемата посветена на Македонија предизвика посебни емоции кај радовишката
публика.
По претставувањето на Хусто Хорхе Падрон од страна на познатата
македонска писателка и критичар – проф. Д-р Кристина Николовска на големиот
поет со светски глас му беше доделена Европската награда за поезија „Ацо
Караманов“.
Првата вечер од Карамановите поетски средби заврши
со изведбата на кантатата „Радовидение“ по повод „1000
години Радовиш„ чиј композитор е: Стојан Стојков а стиховите се на Борче Панов, за што
градоначалникот им додели признание.
Карамановите поетски средби продолжија и наредните
два дена во Библиотеката „Браќа Миладиновци“ Радовиш со „Поетски портрет на Раде
Силјан“ за чиј книжевен опус зборуваа Паскал Гилевски и Љубинка Донева.
За добитникот на балканската награда „Ацо
Караманов“Валерио Орлиќ, и за неговиот книжевен опус зборуваше Борче Панов со
посебен осврт за книгата „Обележувам ѕвезди “ за која авторот ја доби
наградата.
Вечерта „Карамановите поетски средби“ продолжија во
Центарот за култура „Ацо Караманов“ со Поетските меридијани каде свој настап
имаа сите поети, а воедно беа доделени и Балканската награда за поезија „Ацо
Караманов„ на поетот од Хрватска – Валерио Орлиќ, и доделувањето на наградата
„Караманов„ за најдобра поетска книга од македонски автор на Даниела
Андоновска-Трајковска.
Во неделата „Карамановите поетски средби“ започнаа
во ОНБ Браќа Миладиновци, со омаж за големиот македонски поет Матеја
Матевски и промоција на книгата „Дождови- 90 песни“ . За книгата зборуваше авторот Раде Силјан, но свое излагање за поетот Матеја Матевски имаше и познатиот шпански и светски
поет – Хусто Хорхе Падрон – голем пријател на Матеја Матевски.
Манифестацијата заврши со Поетски меридијани за најмладите
– средба на поетите од Шпанија Полска,
Турција, Србија, Црна гора и Бугарија
со младите поети од Радовиш.
И овогодишните 46 караманови поетски
средби беа под покровителство на Општина Радовиш и Градоначалникот Герасиум а
во реализација на Совет на Караманови поетски средби, Центар за култура Ацо
Караманов и ОНБ Браќа Миладиновци од Радовиш.