Договорот е потпишан со Центарот за развој на
Југоисточен плански регион за заедничка реализација на проект од Програмата за
прекугранична соработка.
Имено, градоначаникот на општина
Радовиш Герасим Конзулов и Раководителот
на Центарот за развој на Југоисточниот плански регион, Жулиета Ѓуркова денеска го потпишаа договорот за заедничка
реализација на проектот „Заеднички мерки за спречување и намалување на
последиците од катастрофи во општините Сандански и Радовиш“. Истиот Центарот за развој на
Југоисточниот плански регион во партнерство со општина Радовиш ќе го
имплементираат заедно со општина Сандански од Р. Бугарија.
Преку овој Проект ќе се уреди коритото на реката
Сушица во должина од 670 метри и ќе се изврши пошумување и позеленување околу
коритото со што ќе се направат чекори кон намалување на негативните последици
од поплавите како и кон прилагодување на климатските промени во иднина.
Вкупниот буџет за реализација на овој проект
изнесува 587.931,97 евра, каде општина Радовиш како партнер во проектот ќе
обезбеди финансиски средства со сопствено кофинансирање во висина од 191.636
евра.
Договорто беше потпишан денеска 31
јули 2019 година во просторитте на општина Радовиш а истиот ќе се
реализира во наредните две години.